Putin süni intellektlə bağlı hökumətə tapşırıq verdi

Rusiya Prezidenti Vladimir Putin hökumətə süni intellekt texnologiyaların inkişaf etdirilməsini tapşırıb.

AJMEDİA.NEWS xəbər verir ki, bununla bağlı Kreml məlumat paylaşıb. Kreml Putinin Rusiya hökumətinə ünvanladığı süni intellektlə bağlı yazılı göstərişini dərc edib. Yazıda hökumətin Rusiya Mərkəzi Bankı, “Sber” və “Yandex”lə birlikdə süni intellekt sahəsində texnologiyaların inkişaf etdirilməsi tapşırılıb. Putinin tapşırığına əsasən tərəflər bu sahədə atılacaq yeni addımlar üçün təkliflər hazırlayacaq.

Putin həmçinin iqtisadiyyatda, sosial sektorlarda və dövlət idarəçiliyində süni intellekt texnologiyalarının tətbiqi üçün milli planın hazırlanmasını tapşırıb və Rusiya istehsalı olan süni intellekt modellərinə tələbatı artırmaq üçün lazımi tədbirlərin görülməsini istəyib.