Putinin gizli əməliyyatlar üzrə generalı ÖLDÜRÜLDÜ - Priqojin işində ADI ÇƏKİLİR

Ukrayna Təhlükəsizlik Xidməti ilk dəfə Aralıq dənizinin neytral sularında Rusiyanın "kölgə donanması"na aid tankeri vurub. Hücumda Rusiya hərbi kəşfiyyatının xarici əməliyyatlar üzrə rəhbəri, general-mayor Andrey Averyanov həlak olub.

AJMEDİA.NEWS xəbər verir ki, bu barədə rusiyalı müxalif jurnalist Aleksandr Nevzorov bildirib.

Jurnalist qeyd edib ki, gəmidə həmçinin Rusiya hökumətinin rəsmi şəxsləri və Avropada dron vasitəsilə casusluq, sabotaj və sanksiyalardan yayınma işlərinə cavabdeh GRU əməkdaşları olub. İlkin məlumatlara görə, yeddi nəfər yaralanıb, iki nəfər isə həlak olub (adlar dəqiqləşdirilir).

Məlumata görə, Averyanovun bir neçə müavini də gəmidə olub.

Nevzorovun sözlərinə görə, Averyanov Putinin əmrləri ilə hərəkət edərək Aİ ölkələrində gizli sövdələşmələr, casusluq, təxribat və partlayışlara görə məsuliyyət daşıyırdı.

O həmçinin iddia edir ki, Averyanov Priqojinin təyyarəsinin partladılmasında və Skripal işində iştirak edib. General Avropada “gizli donanma”ya aid gəmilərlə hərəkət edib və Çexiyada axtarışa verilib.