Rusiya Ermənistana "YOX" dedi: "Dəmir yolları bizimdir, heç kimə satılmayacaq!"

Rusiya Ermənistan dəmir yolunun idarə olunması üzrə öhdəliklərinə sadiq qaldığını bəyan edib.

AJMEDIA.NEWS xəbər verir ki, bu barədə Rusiya XİN-in rəsmi nümayəndəsi Mariya Zaxarova Ermənistanın Baş naziri Nikol Paşinyanın açıqlamasını şərh edərkən bildirib.

Qeyd edək ki, daha əvvəl Ermənistanın Baş naziri Nikol Paşinyan respublikanın dəmir yollarının konsessiya idarəçiliyinin Rusiya tərəfindən İrəvan və Moskva üçün dost ölkəyə satılması təklifi ilə çıxış etmişdi. O, mümkün variantlar kimi Qazaxıstan, BƏƏ və Qətərin adını çəkmişdi.

Zaxarova bu bəyanatları “qəribə və yolverilməz” adlandırıb.

“Rusiya ardıcıl olaraq regionda bütün nəqliyyat və iqtisadi kommunikasiyaların blokadadan çıxarılmasının tərəfdarıdır”, – deyə Mariya Zaxarova vurğulayıb.