“Rusiya üçün təhlükəyə çevrilmək niyyətimiz yoxdur” - Alen Simonyan

“Ermənistan Rusiya üçün təhlükə yaratmaq və ya onunla müharibə etmək istəmir, ölkələr arasında olan bütün məsələlər həll ediləcək”.

AJMEDİA.NEWS xəbər verir ki, bu barədə Ermənistan parlamentinin sədri Alen Simonyan jurnalistlərə açıqlamasında deyib.

“Bütün məsələlər müzakirə olunacaq və həll ediləcək. Biz Rusiya ilə müharibə etmək, dalaşmaq niyyətində deyilik. Bütün məsələlər səsləndiriləcək, onları həll edərək irəliyə doğru hərəkət etməyə çalışacağıq. Biz Rusiya üçün təhlükə yaratmırıq və təhlükəyə çevrilmək niyyətimiz də yoxdur”, - Simonyan ermənistanlı iş adamlarının Rusiyada çətinliklərlə üzləşmələri barədə xəbərləri şərh edərkən bildirib.

O, bütün ölkələr arasında vaxtaşırı fikir ayrılıqlarının yarandığını, lakin onların dialoq yolu ilə həll etməyin mümkün olduğunu diqqətə çatdırıb.