İlham Əliyev yəhudi dini icmalarına maliyyə ayırdı - SƏRƏNCAM
3 saat əvvəl"Sən qayıdana qədər..." - Maduronun oğlu atasına SƏSLƏNDİ
06 Yanvar 2026 14:33 | Baxış sayı: 600
Venesuelanın ələ keçirilərək ölkədən çıxarılan Prezidenti Nikolas Maduronun oğlu, parlamentin üzvü Nikolas Ernesto Maduro Querra atası haqqında danışıb.
AJMEDİA.NEWS xəbər verir ki, onun parlamentdəki çıxışı emosional anlarla yadda qalıb.
O, atası ilə bağlı baş verənlər haqqında danışarkən bildirib ki, dövlət başçısının oğurlanması xarici qüvvələrə tabe olmaqdan imtina edən bütün ölkələrin təhlükəsizliyinə təhdid yaradır.
“Əgər biz dövlət başçısının oğurlanmasını normal hala çevirsək, heç bir ölkə təhlükəsizlikdə olmayacaq. Bu gün Venesueladır, sabah tabe olmayan istənilən ölkə ola bilər”, - oğlu bildirib.
Daha sonra o, atasına müraciət edib: “Sən ailəmizdə hər kəsi güclü insanlara çevirdin. Biz buradayıq və sən qayıdana qədər öz vəzifəmizi yerinə yetiririk. Ölkə etibarlı əllərdədir, ata. Biz tezliklə burada, Venesuelada səninlə qucaqlaşacağıq. Sən də oğullarını görəcəksən, Siliya!”, - Nikolas Maduro Qerra deyib.
Oğul Nikolas Maduro həmçinin ölkənin müvəqqəti prezidenti Delsi Rodrigezə özü və ailəsi adından dəstək ifadə edib.
Xatırladaq ki, yanvarın 3-ü ABŞ hərbi qüvvələri Venesuelanın paytaxtı Karakasda və ətraf ştatlarda 11 strateji hədəfə genişmiqyaslı zərbələr endirib. Əməliyyat nəticəsində ölkə Prezidenti Nikolas Maduro xanımı Siliya Floreslə birlikdə ələ keçirilərək Nyu-Yorka aparılıb.
