Son 7 ildə dövlət sektorunda işləyənlərin sayı 58 min nəfər azalıb – Rəsmi

Bu ilin iyul ayının 1-ə olan məlumata görə, Azərbaycanda muzdla çalışan (əmək müqaviləsi ilə) işçilərin sayı 1 milyon 770,8 min nəfər olub.
AJMEDIA Yeniavaz.com-a açıqlanan rəsmi məlumatlara istinadən xəbər verir ki, ötən ilin eyni dövrü ilə müqayisədə muzdla çalışan işçilərin sayı 10 min nəfər və ya 0,6% artıb.

Qeyd edək ki, artım qeyri-dövlət (özəl) sektorunda işləyənlərin sayında qeydə alınıb. Dövlət sektorunda işləyənlərin sayında azalma olub. Son bir ildə özəl sektorda işləyənlərin sayı 33,3 min nəfər artaraq 906,6 min nəfərə çatıb, dövlət sektorunda işləyənlərin sayı isə 23,3 min nəfər azalaraq 854,2 min nəfərə düşüb.

Onu da bildirək ki, son illər dövlət sektorunda işəyən işçilərin sayı davamlı olaraq azalmaqdadır.

Son 7 ildə dövlət sektorunda işləyən muzdlu işçilərin sayı aşağıdakı kimi olub:

31 dekabr 2019 – 911,9 min nəfər;
31 dekabr 2020 – 910,8 min nəfər;
31 dekabr 2021 – 904,7 min nəfər;
31 dekabr 2022 – 903,3 min nəfər;
31 dekabr 2023 – 899,1 min nəfər;
31 dekabr 2024 – 882,8 min nəfər;
1 iyul 2025 – 854,2 min nəfər.