Tramp polşalı jurnalistə: “Özünüzə yeni iş tapın”

ABŞ Prezidenti Donald Tramp Polşa Radiosunun jurnalistinin sualına sərt reaksiya göstərib.

AJMEDİA.NEWS xəbər verir ki, jurnalist Trampdan, dəfələrlə Vladimir Putin barədə məyusluğunu ifadə etməsinə baxmayaraq, niyə heç bir addım atmadığını soruşub.

“Haradan bilirsiniz ki, heç bir addım atılmayıb? Siz Hindistana qarşı tətbiq etdiyimiz ikinci dərəcəli sanksiyaları addım saymırsınızmı? Bu, Rusiyaya yüz milyardlarla dollara başa gəldi. Mən hələ ikinci və üçüncü mərhələləri bitirməmişəm. Siz ‘heç nə edilməyib’ deyəndə düşünürəm ki, özünüzə yeni iş tapmalısınız. Çünki, yadınızdadırsa, cəmi iki həftə əvvəl mən dedim ki, əgər Hindistan (Rusiya nefti) alarsa, böyük problemlərlə üzləşəcək. Və məhz bu da baş verdi. Ona görə də mənə bu barədə danışmayın”, – deyə Tramp cavab verib.