Türkiyə klubu Azərbaycan millisinin futbolçusunu icarəyə götürmək istəyir

Azərbaycan millisinin futbolçusu Renat Dadaşov yenidən karyerasını Türkiyədə davam etdirə bilər.

Bu barədə yerli "Sports Digitale" məlumat yayıb.

I Liqa təmsilçisi "Erzurumspor" 25 yaşlı hücumçunu heyətinə qatmaq niyyətindədir.

Artıq oyunçunu icarəyə götürmək üçün İsveçrənin "Qrasshopper" klubu ilə danışıqlara da star verilib.

Qeyd edək ki, Renat Dadaşov ötən mövsüm icarə əsasında "Hatayspor"un formasını geyinib. Onun İsveçrə təmsilçisi ilə hazırkı müqaviləsi 2025-ci ilin yayında başa çatacaq.