Türkiyə rəsmiləri gələn həftə Ermənistana səfər edəcəklər

Ermənistan-Türkiyə münasibətlərinin tənzimlənməsi danışıqları çərçivəsində Türkiyə tərəfdən xüsusi nümayəndə Sərdar Kılıçın rəhbərlik etdiyi türk nümayəndə heyəti gələn həftə Ermənistana səfər edəcək.
AJMEDİA xəbər verir ki, bu barədə NTV diplomatik mənbələrə istinadən məlumat yayıb.

Bildirilir ki, Türkiyə nümayəndə heyətinin Ermənistana səfəri quru yolu ilə – Alican–Marqarita sərhəd-keçid məntəqəsindən həyata keçiriləcək.

“İlk dəfə baş tutacaq ikitərəfli görüş zamanı münasibətlərin normallaşdırılması istiqamətində qərarlar qəbul olunacaq, eləcə də daha əvvəl qəbul olunmuş, lakin hələ icra edilməmiş razılaşmalar müzakirə ediləcək”, - NTV-nin məlumatında qeyd olunur.

Ermənistan XİN-in mətbuat katibi Ani Badalyan News.am-a bildirib ki, Ermənistanda xüsusi nümayəndələr Ruben Rubinyan və Sərdar Kılıçın görüşü planlaşdırılır.//yeniavaz.com