Ukraynadan Trampa jest: Donbasın adı dəyişdirilir

Ukraynanın danışıqlar prosesində diqqətçəkən və qeyri-adi bir təşəbbüsü müzakirə olunub.

AJMEDIA.NEWS xəbər verir ki, The New York Times nəşrinin yaydığı məlumata əsasən, Kiyev nümayəndələri Donbasın bir hissəsinə “Donnilend” adının verilməsi ideyasını gündəmə gətiriblər.

Mənbələrin bildirdiyinə görə, bu təklifin əsas məqsədi ABŞ-nin mövqeyinə təsir etmək və Vaşinqtonu Rusiyaya qarşı daha sərt addımlar atmağa təşviq etmək olub. İddiaya əsasən, bu təşəbbüs həm də Donald Trampa yönəlmiş simvolik jest kimi qiymətləndirilir.

Bildirilir ki, Ukrayna tərəfi bu ideyanı daha da irəli apararaq “Donnilend” üçün yaşıl-qızılı rənglərdə bayraq eskizi hazırlayıb. Həmçinin, “milli himn”in də süni intellekt – ChatGPT vasitəsilə yaradıldığı qeyd olunur.