Uşaqlar üçün təhlükəli qidalar hansılardır?

Qoz-fındıq, üzüm, çiy bal, qazlı və enerji içkiləri uşaqlar üçün təhlükəli ola bilər.
AJMEDİA xəbər verir ki, bu barədə “RİA Novosti”yə dietoloq Alla Porxun danışıb.

O xəbərdarlıq edib ki, qoz-fındıq və üzüm körpələrdə boğulmaların tez-tez baş verən səbəbidir:

“Çiy bal botulizm riskinə görə bir yaşa qədər uşaqlar üçün təhlükəlidir. Qazlı və enerji içkiləri tərkibindəki şəkər və kofeinə görə diş minasını məhv edir, sinir sisteminin fəaliyyətini pozur”.

Porxun onu da qeyd edib ki, ucuz çörək məhsulları, “fast food” və marqarinin tərkibində olan trans yağlar xolesterinin səviyyəsini artırır və orqanizmdə xroniki iltihablı proseslərə səbəb olur.