"Vaşinqton bununla bağlı Netanyahuya sərt xəbərdarlıq edib" - AXİOS-un İDDİASI

Vaşinqton HƏMAS hərbi qanadının komandiri Raed Saadın öldürülməsini İsrailin Qəzza zolağında atəşkəsin pozması kimi qiymətləndirir.

AJMEDİA.NEWS xəbər verir ki, məlumatı Axios ABŞ administrasiyasındakı mənbələrə istinadən yayıb. Mənbə bildirib ki, Ağ Ev "İsrail baş naziri Benyamin Netanyahuya şəxsən və sərt şəkildə məlumat çatdırıb" ki, HƏMAS hərbi komandirinin öldürülməsi atəşkəs razılaşmasının pozulmasıdır. Mənbə qeyd edir ki, İsrail liderləri ABŞ tərəfini hücuma hazırlıq barədə məlumatlandırmayıb və bu barədə Vaşinqtonla məsləhətləşmələr aparmayıblar.

Axios-un məlumatına görə, ABŞ prezidenti Donald Tramp bu yaxınlarda Netanyahuya Qəzza zolağındakı vəziyyətdə daha çox tərəfdaşlıq nümayiş etdirməli olduğunu deyib. Mənbə qeyd edir ki, İsrail baş nazirinin Trampla 29 dekabrda Florida ştatındakı Mar-a-Laqoda ABŞ prezident iqamətgahında görüşü gözlənilir.

Daha əvvəl HƏMAS hərbi qanad komandirlərindən biri olan Raed Saadın şənbə günü Qəzza zolağında öldürüldüyünü təsdiqləyib. 13 dekabrda İDF mətbuat xidməti Saadın öldürüldüyünü açıqlayıb. Qısa müddət sonra Baş nazir Benyamin Netanyahu Qəzza zolağında iki əsgərin yaralanmasına cavab olaraq orduya bu əmri verdiyini iddia edib.

Səad HƏMAS-ın hərbi qanadı olan İzzəddin əl-Qəssam Briqadalarının görkəmli komandirlərindən biri idi və doqquz il (2012-ci ildən 2021-ci ilə qədər) onun daxili çevrəsinin üzvü idi. İsrail dövlət televiziyası Kan-ın məlumatına görə, Səad qrupun ikinci komandiri hesab olunurdu və raket buraxıcılarının, raketlərin və tank əleyhinə silahların istehsalından məsul olan istehsal qərargahına rəhbərlik edirdi. Səad əvvəllər HƏMAS-ın xüsusi əməliyyatlar qərargahına rəhbərlik edirdi və Kan-ın məlumatına görə, 7 oktyabr 2023-cü ildə İsrailə qarşı yaraqlı hücumun təşkilində iştirak edib.