Vitkoff Qətərlə İsrailin gizli görüşünü təşkil edir

ABŞ Prezidentinin elçisi Stiven Vitkoff Nyu-Yorkda İsrail və Qətər nümayəndələri arasında gizli görüş keçirəcək.

AJMEDIA xəbər verir ki, məlumatı Axios portalı yayıb. Bildirilir ki, görüşdə məqsəd iki ölkə arasında münasibətləri normallaşdırmaqdır. Portalın məlumatına görə, İsrail nümayəndə heyətinə Mossad rəhbəri David Barnea, Qətəri isə yüksək vəzifəli bir məmur təmsil edəcək.

Axios vurğulayır ki, Nyu-Yorkdakı görüşdə Qəzza zolağındakı vəziyyət və HƏMAS hərəkatının tərksilah edilməsi müzakirə olunacaq.

İsrailin Baş naziri Benyamin Netanyahu əvvəllər Doha ilə məsləhətləşmələr zamanı Müsəlman Qardaşları təşkilatına dəstəyi, eləcə də Qətərin Əl-Cəzirə televiziya kanalının İsrailə qarşı redaksiya düşmənçiliyi kimi məsələləri qaldırmağı planlaşdırdığını bildirmişdi. O, həmçinin Qətərin ABŞ universitetlərində antisemit əhval-ruhiyyəni qızışdırması iddialarını müzakirə etmək niyyətində idi.//musavat.com