Azərbaycanda vəzifəli şəxs cərimələndi
39 dəqiqə əvvəlZelenski Trampla görüşdü - FOTOLAR
16 İyun 2026 15:54 | Baxış sayı: 104
Fransada keçirilən G7 (Böyük Yeddilik) sammiti çərçivəsində Ukrayna Prezidenti Volodimir Zelenski və ABŞ lideri Donald Tramp arasında görüş baş tutub.
AJMEDIA.NEWS xəbər verir ki, Zelenski ABŞ nümayəndə heyəti ilə görüşdən çəkilmiş kadrları “Telegram” hesabında paylaşıb.
Görüşdə Ukrayna liderini Milli Təhlükəsizlik və Müdafiə Şurasının katibi Rustem Umerov, ABŞ Prezidentini isə Dövlət katibi Marko Rubio müşayiət edib.
“Mövqeləri koordinasiya etmək hər zaman vacibdir”, - Zelenski paylaşımında yazıb.
Tramp isə bu görüşün çox yaxşı keçdiyini, həmçinin sammit çərçivəsində Zelenski ilə bir daha görüşəcəyini deyib. Həmin görüşün də bu gün, iyunun 16-sı keçiriləcəyi bildirilir.
