Zelenski Ukraynada müharibənin payıza qədər bitə biləcəyini açıqladı
27 Fevral 2026 17:28 | Baxış sayı: 101
Ukrayna Prezidenti Volodimir Zelenski "Sky News" telekanalına verdiyi müsahibəsində sülhün əldə olunması üçün "fürsət pəncərəsinin" açıq olduğunu bəyan edib.
AJMEDIA.NEWS xəbər verir ki, Zelenskinin sözlərinə görə, müharibənin bu ilin payızına – ABŞ-da keçiriləcək mühüm aralıq seçkilərə qədər başa çatması ehtimalı var:
"Hesab edirəm ki, hazırda sülh üçün şansımız var. Gələn il haqqında, əslində, nə düşündüyümə gəlincə... bu, qarşıdakı aylardan asılıdır. Payıza qədər, ABŞ-dakı nüfuzlu seçkilərə qədər müharibəni bitirə biləcəyikmi? Əgər sülhə nail olmaq mümkündürsə, deməli bu fürsət pəncərəsi hazırda açıqdır".
Ukrayna lideri həmçinin amerikalı həmkarı Donald Tramp ilə münasibətlərini "mürəkkəb" kimi xarakterizə edib. Lakin o, iki ölkə arasındakı əlaqələrin "şəxsiyyətlərdən" daha üstün olduğunu və daha geniş müstəvini əhatə etdiyini vurğulayıb.
