ABŞ Qrenlandiya ilə bağlı əsl planlarını açıqladı

ABŞ hakimiyyəti Qrenlandiyanı yeni ştat etməyi planlaşdırmır, lakin bu ərazi ilə birliyə can atır.

AJMEDİA.NEWS xəbər verir ki, məlumatı CNN yayıb.

Mənbə telekanala bildirib ki, Trampın komandası ada üzərində ABŞ nəzarətinin qurulmasına ümumilikdə razıdır. Bununla yanaşı, prezidentin müşavirləri arasında bu məqsədə çatma yolları barədə hələ də fikir ayrılığı var.

"Biz Qrenlandiyanı ştat etmək istəmirik. Onlarla birlikdə olmaq istəyirikmi? Şübhəsiz!" - deyə mənbə bildirib.

Qrenlandiya Danimarkanın muxtar ərazisidir. 1951-ci ildə Vaşinqton və Kopenhagen NATO müttəfiqlik öhdəliklərinə əlavə olaraq adanın müdafiəsi ilə bağlı müqavilə imzalayıb. Bu müqaviləyə əsasən, ABŞ Qrenlandiyanı mümkün təcavüzdən qorumağı öhdəsinə götürüb.