Məhv edilən həmin raketin görüntüləri - VİDEO
3 saat əvvəl"İrana qarşı əməliyyatların nə vaxt bitəcəyinə Netanyahu ilə birgə qərar verəcəyik" - Tramp
09 Mart 2026 13:30 | Baxış sayı: 109
ABŞ Prezidenti Donald Tramp bəyan edib ki, İrana qarşı hərbi əməliyyatın nə vaxt başa çatacağına İsrailin Baş naziri Benyamin Netanyahu ilə birgə qərar verəcəklər.
AJMEDIA.NEWS xəbər verir ki, bu barədə ABŞ lideri "The Times of Israel" qəzetinə müsahibədə bildirib.
"Düşünürəm ki, bu məsələdə birgə qərar verəcəyik. Mən qərarı münasib vaxtda qəbul edəcəyəm, lakin hər şey nəzərə alınacaq", - deyə Tramp bildirib.
Ölkə başçısı İsrailin ABŞ-nin iştirakı olmadan İrana qarşı əməliyyatları davam etdirib-etdirməyəcəyi barədə sualı da cavablandırıb: "Düşünmürəm ki, buna ehtiyac olacaq".
Xatırladaq ki, fevralın 28-də İsrailin müdafiə naziri İsrael Kats İsrail Müdafiə Qüvvələrinin İrana qabaqlayıcı zərbə endirdiyini açıqlayıb. Daha sonra ABŞ Prezidenti Donald Tramp ölkəsinin də İrana qarşı hərbi əməliyyatda iştirak etdiyini bildirib.
İran isə öz növbəsində İsrailə onlarla ballistik raket atıb. İsrail Müdafiə Qüvvələri atışları təsdiqləyib, ölkə daxilində sirenlər səslənib və hava hücumundan müdafiə sistemləri işə salınıb.
Martın 1-də İranın Ali Lideri Əli Xameneinin hücumlar zamanı öldürüldüyü bəyan olunub.
İran ABŞ-nin hərbi bazalarının yerləşdiyi qonşu ölkələrin əksəriyyətinə raket zərbələri endirib. Buna görə də həmin ölkələrdə hava məkanı müvəqqəti bağlanıb.
