İrana qarşı quru əməliyyatı başlayacaq

İraqdakı kürd qüvvələri İrana qarşı quru əməliyyatına hazırlaşır.

AJMEDIA xəbər verir ki, İraq Kürdüstanındakı "Habat" partiyasının baş katibi Babaşeyx Hüseyni "Əl-Cəzirə"yə verdiyi müsahibədə İran Kürdüstanından olan döyüşçülərin İranda quru əməliyyatı keçirə biləcəyini bildirib.

Onun sözlərinə görə, hazırda heç bir hücum əməliyyatı aparılmır, lakin əlverişli şərait yaranarsa, belə bir əməliyyatın baş vermə ehtimalı yüksək olaraq qalır. Yekun qərar hələ verilməyib.

Hüseyni həmçinin bildirib ki, ABŞ nümayəndələri müxtəlif kanallar və vasitəçilərlə onlarla əlaqə saxlayıb, İran rejiminə qarşı mümkün əməkdaşlıq və hərəkət variantlarını müzakirə ediblər. O, mümkün əməliyyat üçün kürd qüvvələrinin müasir silah və avadanlıqlara ehtiyacı olacağını vurğulayıb, çünki onların hazırkı silahları köhnəlib.//modern.az