Məhv edilən həmin raketin görüntüləri - VİDEO
3 saat əvvəlTrampdan İranın yeni ali liderinin seçilməsinə İLK REAKSİYA
09 Mart 2026 14:05 | Baxış sayı: 109
ABŞ Prezidenti Donald Tramp Müctəba Xameneinin İranın yeni Ali Lideri seçilməsinə "Görək nə olacaq?" sözləri ilə reaksiya verib.
AJMEDİA.NEWS xəbər verir ki, bu barədə Ağ Ev rəhbəri "The Times of Israel" qəzetinə verdiyi müsahibədə bildirib.
Qeyd edək ki, İranın Ekspertlər Şurası ABŞ-İsrail hərbi əməliyyatları zamanı öldürülən Ayətullah Əli Xameneinin oğlu, 56 yaşlı Müctəba Xameneini İslam Respublikasının yeni Ali Lideri seçib.
Xatırladaq ki, fevralın 28-də İsrailin müdafiə naziri İsrael Kats İsrail Müdafiə Qüvvələrinin İrana qabaqlayıcı zərbə endirdiyini açıqlayıb. Daha sonra ABŞ Prezidenti Donald Tramp ölkəsinin də İrana qarşı hərbi əməliyyatda iştirak etdiyini bildirib.
İran isə öz növbəsində İsrailə onlarla ballistik raket atıb. İsrail Müdafiə Qüvvələri atışları təsdiqləyib, ölkə daxilində sirenlər səslənib və hava hücumundan müdafiə sistemləri işə salınıb.
Martın 1-də İranın Ali Lideri Əli Xameneinin hücumlar zamanı öldürüldüyü bəyan olunub.
İran ABŞ-nin hərbi bazalarının yerləşdiyi qonşu ölkələrin əksəriyyətinə raket zərbələri endirib. Buna görə də həmin ölkələrdə hava məkanı müvəqqəti bağlanıb.
